Уруш түрүндөгү самбо боюнча Дүйнө чемпиондугунда кыргызстандыктар 2 коло медаль утушту

Самбонун 75 жылдыгын белгилөөнүн алкагында уюшулган уруш түрүндөгү самбо боюнча Дүйнө чемпиондугунда кыргызстандыктар 2 медаль утушту. Бул тууралуу бүгүн, 25-ноябрда мелдештин расмий сайты билдирет.

Маалыматка ылайык, Орусиянын Санкт-Петербург шаарында өткөн мелдеште кыргызстандыктардан Абдыназар Купуев 68 килограмм салмак категориясында, Курманбек Адил уулу 82 килограмм салмакта коло медаль тагынышты.

Эске салсак, Дүйнөнүн 75 өлкөсү катышкан Дүйнө чемпиондугунда 15 алтын, 4 күмүш жана 8 коло медаль менен үй ээси Орусия командалык эсепте 1-орунду камсыздаган.

Автор: Максат Кудайбердиев