Сокулук районунда зордуктоо кылмышына шектелип 18 жаштагы адам кармалды

Сокулук районунун Ново-Павловка айылында зордуктоо кылмышына шектелип 18 жаштагы жигит кармалды. Бул тууралуу Бишкек ШИИББинин басма сөз кызматы билдирди.

Сокулук РИИБине аталган айылдын 22 жаштагы жашоочусу арыз менен кайрылган. Анда 23-ноябрь күнү саат 05:00дөр чамасында 16-20 жаштагы белгисиз адам үйүнө кирип, бычак менен коркутуп зордуктап кеткенин жазылган.

Аталган факты боюнча Кылмыш-жаза кодексинин 129-беренесине (зордуктоо) ылайык кылмыш иши козголгон. Тергөөнүн жүрүшүндө 18 жаштагы жергиликтүү тургун кармалып, убактылуу кармоочу жайга киргизилди. Учурда иликтөө иштери жүрүүдө.

Автор: Айпери Ганыжан кызы