Кыргызстанда инвестицияларды коргоо боюнча мыйзамдар иштебейт

Кыргызстанда инвестицияларды коргоо боюнча мыйзамдар иштебейт. Бул туурасында бүгүн, 25-ноябрда маалымат жыйыны учурунда Экономика министри Темир Сариев билдирди.

Анын айтымында, Кыргызстандагы инвестицияга байланыштуу мыйзамдар либералдуу экендигин, бирок өлкөдөгү окуялар алардын аткарылбай жатканын көрсөтүп жатат.

“Эгерде мыйзамдуулукту камсыздай албасак, Кыргызстандын экономикасынын өнүгүшү тууралуу эч кандай сөз болушу мүмкүн эмес. Ошондой эле коррупциялык аракеттер менен катуу күрөшүү керек, антпесе, өлкөдө тартип орното албайбыз”,- деди Темир Сариев.

Автор: Бекжан Рыскулов