Бишкекте көз боёмочулук менен алектенип жүргөн АКШ жараны кармалды

Бишкекте көз боёмочулук менен алектенип жүргөн АКШнын жараны кармалды. Бул тууралуу ИИМдин басма сөз кызматы билдирет.

Маалыматка караганда, 62 жаштагы Майк Хьюстон Дау 1996-жылдан бери Кыргызстанда жашайт. Ал бир топ адамга Америкада бизнеси жана Кыргызстандын жарандарын жумушка орноштурууга жардам бере турган көп тааныштары бар экендигин айтып, эки кыргыз жаранынан 4 жана 5 миң доллар өлчөмүндө акча алып качып кеткен.

Ошондой эле жогорудагы кылмыш ишине шектелип жаткан адамдын Бишкек шаарында англис тилин үйрөтүүчү жеке менчик мектеп ачкандыгы, окуучулардын ата-энелеринен да акча алып, ушул күнгө чейин качып жүргөндүгү аныкталган.

Учурда ага карата Кылмыш-жаза кодексинин 166-беренеси (көз боёмочулук) боюнча кылмыш иши козголду.

Автор: Бекжан Рыскулов