"Ак шумкарлар" Өзбекстанга барып алгачкы машыгуусун өткөрдү (фото)

Футбол боюнча Кыргыз улуттук курама командасы Өзбекстанга барып, алгачкы машыгуусун өткөрдү. Бул тууралуу Кыргыз футболдук союзу кабарлады.

"Ак шумкарлар" алгачкы машыгуусун Наманган шаарында өткөрдү. Башкы машыктыруучусу Александр Крестининдин жетекчилигинин алдындагы курама "Навбахор" футболдук клубунун базасында машыгышты.

Футбол боюнча Кыргыз улуттук курама командасы Өзбекстандын Наманган шаарында өтө турган “Navruz Cup 2022” эл аралык мелдешинин алкагында эртең, 25-мартта Өзбекстан курама командасына каршы беттешет.

Автор: Азат Бейшенбеков
Фото: КФС