Баткен облусунда волейбол боюнча республикалык мелдеш жыйынтыкталды

25-ноябрда Баткен облусунун Чоң-Кара айылында волейбол боюнча республикалык мелдеш болду. Бул тууралуу аталган спорт түрү боюнча федерациядан билдиришти.

Маалыматка ылайык, мелдешке Бишкек шаарынан, Жалал-Абад, Ош, Баткен облустарынан, Ноокат, Кадамжай, Лейлек райондорунан жана Өзбекстандан келген 8 команда 2 тайпага бөлүнүп чемпиондукка ат салышкан. Өз тайпаларында алдынкы 2 орунду ээлеген командалар жарым финалдык оюн өткөрүп, чемпионду аныкташты.

Жыйынтыгында, Бишкектин командасы 3-орунду ээлесе, 2-орунду Жалал-Абад облусунун командасы ээледи. Ал эми чемпиондукту Баткен облусунун командасы утуп алды.

Кошумчалай кетсек, мелдеште жеңүүчү аталган команда Ауди-80 үлгүсүндөгү унаага ээ болду.

Автор: Максат Кудайбердиев