"Катар-2022": ФИФА графикти өзгөрттү. Катар менен Эквадор ачылышта ойнобойт

ФИФА уюму Катарда өтө турган футбол боюнча Дүйнө чемпиондугунун толук графигин расмий сайтына жарыялады.

ФИФА жарыялаган жаңы графикте турнирдин ачылыш аземинде Сенегал менен Нидерланды курама командалары ойнойт.

Бул беттеш 21-ноябрда Бишкек убактысы боюнча саат 16:00дө башталат.

Салтка ылайык, турнирдин кожоюну катары Катар Дүйнө чемпиондугун ачышы керек болчу. Бирок алардын Эквадор менен беттеши Бишкек убактысы боюнча саат 22:00гө жылдырылды.

Кечээ, 1-апрелде Дүйнө чемпиондугуна чүчү кулак тартуу аземи болуп өтүп, 32 команда 8 тайпага бөлүнгөн.

Автор: Азат Бейшенбеков