Баткенде телефон кубаттоодон өрт чыкты (сүрөт)

Баткенде телефон кубаттоодон өрт чыкты. Бактыга жараша, жабыр тарткандар жок дешет Өзгөчө кырдаалдар министрлигинен.

Маалым болгондой, бүгүн, 5-апрелде саат 08:29да куткаруучуларга Баткен шаарынын Кызыл-Жол кварталындагы үйлөрдүн биринде өрт чыкканы тууралуу кабар түшкөн.

"Жерине өрт өчүрүүчү 1 бөлүм тартылып, саат 08:50дө толугу менен өчүрүлдү. Такталган маалыматка ылайык, өрт телефонду кубаттоодон келип чыккан. Өрттүн кесепетинен смартфон, фен жана палас күйгөн", - дешти маалымат кызматынан.

Автор: Бактыгүл Момбекова
Фото: ӨКМнын маалымат кызматы