Акжол Махмудов баштаган балбандар Улан-Батордо өтө турган Азия чемпиондугуна катышат (тизме)

Грек-рим күрөшү боюнча Кыргыз улуттук курама командасы Монголиянын борбору Улан-Батордо өтө турган күрөш боюнча Азия чемпиондугуна катышат. Бул тууралуу SUPER.KG порталына Жаштар иштери, дене тарбия жана спорт боюнча мамлекеттик агенттигинен билдиришти.

Улук машыктыруучу Улукбек Карачолоков жана башкы машыктыруучу Азат Эркимбаевдин жетекчилиги алдында Азия чемпиондугуна 10 балбан катышат.

Балбандардын тизмеси:

1. Балбай Дордоков, 55 кг;
2. Жоламан Шаршенбеков, 60 кг;
3. Тынар Шаршенбеков, 63 кг;
4. Элдияр Сатаров, 67 кг;
5. Адилхан Нурланбеков, 72 кг;
6. Акжол Махмудов, 77 кг;
7. Калидин Асыкеев, 82 кг;
8. Мелис Айтбеков, 87 кг;
9. Узур Жузупбеков, 97 кг;
10. Роман Ким, 130 кг.

Азия чемпиондугу 21-апрелден 25-апрелге чейин өтөт.

Автор: Азат Бейшенбеков