Бишкекте грек-рим күрөшү боюнча Эл аралык мелдеш жыйынтыкталды

Бишкектеги Кожомкул атындагы Спорт Ордосунда Кыргыз мамлекеттик юридикалык академиясынын 10 жылдыгына арналган грек-рим күрөшү боюнча Эл аралык мелдеш жыйынтыкталды. Бул тууралуу мелдештин уюштуруучулары билдиришти.

Маалыматка ылайык, мелдеш 2 күнгө созулуп, 179 балбандын ичинен 7 салмак категориясында чемпиондор аныкталды. Чемпион аталып, медаль тагынгандар - Тынар Шаршенбеков (55 килограмм), Рустам Тейишов (60), Жакшылык Эмилбеков (66 килограмм), Темирлан Таиров (74 килограмм), Бекзат Малаканов (84 килограмм), Узур Жусупбеков (96 килограмм), Аман Токтогонов (120 килограмм).

Автор: Максат Кудайбердиев