Веложарышчы Евгений Ваккер 2014-жылкы мелдештерде медаль тагынууну көздөөдө

Кыргызстандык веложарышчы Евгений Ваккер 2014-жылы апрелде Астанада өтүүчү Азия чемпиондугунда жана сентябрда Түштүк Кореянын Инчхон шаарында өтө турган Азия оюндарында медаль тагынууну көздөп жатат. Бул тууралуу спортчунун машыктыруучусу Эркен Акрамов бүгүн, 28-ноябрда билдирди.

Ваккердин катышуусундагы акыркы мелдеш Испанияда өткөн Эл аралык жарыш болду. Анда өзүн кышкы эс алуунун алдында сынаган веложарышчы 17-орунду ээлеген.

Эске салсак, Евгений Ваккер карьерасында Азия чемпиондугун 4 ирет утуп, Азия оюндарында 5 ирет күмүш медаль тагынган.

Автор: Максат Кудайбердиев