Бильярдчы Каныбек Сагынбаев “Кремль Кубогу-2013” мелдешинин жарым чейрек финалына чыкты

Кыргызстандык бильярдчы Каныбек Сагынбаев Москвада өтүп жаткан “Кремль Кубогу-2013” мелдешинин жарым чейрек финалына чыкты. Бул тууралуу мелдештин расмий сайты кечээ, 28-ноябрда билдирди.

Маалыматка ылайык, Каныбек Сагынбаев плей-оффто алгач орусиялык Павел Полынниковду (4:2 эсебинде), андан соң дагы бир орусиялык Денис Смирновду утуп алган (4:1). Бильярдчы жарым чейрек финалга кыргызстандык Ызатбек Раатбековду утуп чыкты (4:0).

Эми чейрек финалга чыгуу үчүн ал орусиялык Леонид Швыряев менен беттешет.

Эске салсак, Дүйнөнүн 3 жолку чемпиону Каныбек Сагынбаев “Кремль Кубогу-2012” мелдешинде финалга чыгып, орусиялык Евгений Сталевге утулган.

Автор: Максат Кудайбердиев