Бактыгүл (жеңесинен токмок жеген 1 жаш 8 айлык Мирананын энеси): “Көрсө, жеңем кызымды буга чейин эле уруп жүрүптүр”

Бишкек ШИИББинин басма сөз кызматы 23-ноябрда Бишкекте 1 жаш 8 айлык Мирана аттуу кыздын токмок жеп, ооруканага жаткырылгандыгы тууралуу кабарлаган. Маалыматка ылайык, бул кылмышка шектелип Жалал-Абад облусунун тургуну Дубанаева Гүлмира кармалып, убактылуу кармоочу жайга камалган. Тергөө учурунда Дубанаева Гүлмира Мирананын жеңеси экендиги аныкталган. Ал Мирананы 1 айдан бери карап, бул убакыт аралыгында ымыркайдын өмүрүнө коркунуч туудурган залалдарды келтирген. Тергөөчүлөрдүн берген маалыматына караганда Гүлмира Дубанаева Мирананы кар жааган учурда муздак суу куюлган тазикке салып эшикке чыгарып койгондугу, кирдин суусун ичиргендиги, дубалга башын сүздүргөндүгү дайын болгон. Сурак учурунда Гүлмира Дубанаева жасаган кылмышын моюнуна алган.

Биз Мирананын ал-абалын билүү максатында анын энеси Бактыгүл Таштанбековага кайрылып, төмөнкүдөй жооп алдык.

-Мирананын учурдагы абалы кандай?

-23-ноябрь күнү комага түшкөн. Ошол бойдон өзүнө келе элек болчу. Бүгүн (28-ноябрь) дарыгерден сурасак, кичине колун, оозун кыймылдатып калды деди. Башка эч кандай жылыш жок.

-Маалыматка караганда кызыңыздын биринчи ирет токмоктолушу эмес экен. Буга чейин таяк жегенин билген эмессизби?

-Акыркы жолу 20-ноябрда келип, кийимдерин алмаштырып кеткем. Бирок анда анын денесиндеги көктөрдү жакшы карабай, байкабаптырмын. Көрсө, буга чейин эле уруп жүрүптүр. Бул тууралуу тергөө иштеринин жүрүшүндө уктум. Булар тууралуу анын (Дубанаева Гүлмиранын) 8-класста окуган сиңдиси айтып берди. Сиңдисине “Бул боюнча мага айтып турсаң болбойт беле, чоң кыз экенсиң" десем, сизге айта албай койдум” дейт.

-Тергөөдө Гүлмира Дубанаева “кайним баласын караганым үчүн 2000 сом бермек. Ал бербей койгондон улам жиним келип сабап салгам” деп айтыптыр го.

-Биз да бул тууралуу кечээ телевидениеден угуп, таң калдык. Жеңем менен эч кандай келишим түзгөн эмеспиз. Ал деле “караганым үчүн акча бересиң, бербесең мен карабаймын” деп айткан эмес. Эгерде айтса, минтип азап тарткычакты кызымды алып, өзүм карабайт белем.

-Кызыңызды таштап жатканда сиздерди ээрчичү эмес беле?

-Ээрчийт болчу. Бирок биз бардык эле балдар ата-энесин ээрчип ыйлашат деген ойго токтолуп кете берчүбүз.

-Өзүңүз эмне иш кыласыз?

-Күйөөм экөөбүз тең автоунаа жуучу жайда иштейбиз. Ал жер суук болгондуктан, кайнагам “Бул жер суук экен. Кызыңарга суук тиет. Менин аялым эки баланы карап үйдө отурат. Тамак-ашын жеткирип турсаң, эки бала менен чогуу чоңойо берет. Жубайым менен сүйлөшүп көрөйүн, макул болсо үйгө алпар, кантсе да бир тууганбыз го” деген сунушун айткан. Биз болсо адегенде жубайыңыз менен сүйлөшүп көрүңүз, макул болобу, ошого жараша иш кылалы дегенбиз. Эртеси кайнагам чалып, "макул болду, үйгө алып келе бер" дегенинен алпарган элек.

-Дары-дармектерге каражатты кайдан таап жатасыздар?

-Карызга болсо да акча таап, эптеп кызыбызды аман алып калуу максатында болгон аракетибизди жумшап жатабыз.

Наристени башы менен дубалды сүздүрүп, кирдин суусун ичирген

Автор: Темирбек Матаев

13:31 29-11-2013

Жазылуу

РУБРИКАДАГЫ СОҢКУ КАБАРЛАР

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 225 0

19:14 2025-05-10 | Түркүн дүйнө

Трмап Индия менен Пакистан ок атышууларын токтотконун жарыялады 610 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 630 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 381 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 1436 0

17:01 2025-05-10 | Коом жана турмуш

Кыргызстандын Улуттук гвардиясы Минсктеги парадга да катышты (видео) 820 0

Архив

Комментарийлер (19)

Aviator

2013-11-29 18:24:37

акыл эси жайында эмес бул аялдын.

raia

2013-11-30 08:48:59

Бул аял эмес,эне да эмес бул акмак,бул шайтан.
Кичинекей наристеге Аллахым куч берип айыгып кетсин.

Agent-02

2013-11-30 12:44:46

адам дайыма алланы эстеп журуш керек.Бул деген шайтандын кылган дагы бир иши.

gutler

2013-11-30 15:01:37

Алла сени жазаласын.

kanu

2013-11-30 15:22:53

байкуш наристе бала,жыргап ойноп ата энесинин жанында шоктонуп жургондун оордуна бироонун колун карап,кенири басып тура албай кандай балалыгы отуп кетиптир.Кантип колу барып уруп муздак сууга отургузат,аябай окунучтуу,ошон учун энелер балага негизи чонойгончо жакшы конул буруп оюндагыдай балалыгын откузгонго аракетти биз гана жумшабасак даже атасы да биздей карабайт энесиндей.

belosnejka1

2013-11-30 17:16:48

Ушул Дубанаеваны корсом дарга асып салгым келип атат. Токумун жеген, психопадка аял экен. 2000 сом элеби деп оозуна акчаны тыгып салыш керек экен. Бул аял да жоош экен. Барып чачын эле жулуп салбайбы? Качан бизде " балдардын укугун коргоо" боюнча мыйзам каралат? Ушуга окшогондорду чекеден кармап камаш керек! Байкуш кыз:(

urmat_88-kg

2013-11-30 22:27:01

Кантип?? кантип? деген суроо башымды жарып кетмек болду. Буга окшогон эки буттуу эшектерди атыш керек.
Наристеге АЛЛАХ денсоолук берсин.

rus9203

2013-12-01 11:30:27

Arnamyzsyz a9l eken

Kumush_94

2013-12-01 22:03:41

Кудайга тообо кылалы,ар бир Мусулманга ыйман акыл-эс бере кор!!!

aminali

2013-12-02 00:28:43

Men sotko berbei turup ozuno xlor jegizip,belizna i4irip,ewike duwka tuwurup kaarga orop,bawuna myk kagyp anan milisyaga jetelep kelmekmin.

Aza1992

2013-12-02 08:30:49

Жаман иш болуптур. Урган аял да кичинесинде зордук- зомбулук коруп чонойгон болсо керек. Же торогондон кийин послеродовая депрессияда болушу мумкун. Кылган нерселерине окунуп, жыйынтык чыгарат деген умуттомун. Психикасы ордунда эмес болсо керек. Окунучту:(

Meri77

2013-12-03 15:25:41

Бактыгул жоош аялдай корунот.Гулмиранын козунон эле корунуп турбайбы жырткыч экендиги.Гулмира камалбай чыга турган болсо,биз аны кай жерде болсо да таап ташбаранга алабыз.Бактыгул бизге эч ким эмес,бирок кичинекей наристени кордогон адамды жазалаш керек.

zamira8576

2014-01-23 00:41:47

Кичинекей наристеде эмне куноо?Кудайым колдоп наристе жакшы болуп озуно келээрин баарыбыз Кудайдан тилейли.Бул таш боор аялга соз жок

zamira8576

2014-01-23 01:20:50

Бир куну Пайгамбарыбыз Мухаммед (С.А.В)сахабаларына мындай дейт.Менин Умотумо бир заман келет.Ошондо алар 5 нерсени жакшы коруп,5 нерсени унутат.1-Дуйнону жакшы коруп,акыретти унутат.2-Омурду жакшы коруп,олумду унутат.3-Чон сарайларды жакшы коруп,кабырды унутат.4-Мал мулкту жакшы коруп,ал учун берилетурган эсепти унутат.5-Жаратылышты жакшы коруп,Жаратуучуну унутат.Бул адамдар чындыгында бей капарсыз.

Mirlan5

2014-01-23 05:25:44

Сени кантип эже же эне же карындаш деп айтса болот. Аялдык мээримин жок экен. Аял дегенге арзыбайсын сени ка..-к дейт.

Комментарий калтыруу үчүн өз ысымыңыз менен кириңиз же каттоодон өтүңүз.