Ош облусунда күчү 3,5 баллга жеткен жер титирөө катталды

Ош облусунун аймагында очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, кечээ, 31-майда саат 20:54тө Ош облусунун аймагында очогунда күчү 3,5 баллга жеткен жер титирөө катталган.

Жер титирөө Алай районунун Талды-Суу, Сары-Могол айылдарында жана Чоң-Алай районунун Кашка-Суу, Кара-Кабак айылдарында 3 баллга чейин, Ачык-Суу айылында 2,5 баллга чейин сезилген.

Алдын ала маалымат боюнча жер титирөөдөн жабыркагандар жана кыйроолор катталган жок.

Автор: Алина Айдарбекова