Антонио Рюдигер "Реал Мадрид" клубуна өттү

Испаниянын "Реал Мадрид" футболдук клубу расмий түрдө лондондук "Челси" клубунун коргоочусу Антонио Рюдигерди сатып алганын жарыялады.

Маалыматка ылайык, 29 жаштагы германиялык футболчу мадриддик клуб менен 4 жылга келишим түздү. Футболчу "Челсиден" "Реалга" эркин агент катары өттү.

Рюдигер "Челсиде" 2017-жылдын июль айынан бери ойноп келген. Быйылкы сезондо футболчу "Челси" клубунда жалпы 54 оюнга катышып, 5 гол киргизип, 4 жолу голдук пас чыгарып берген.

"Челси" клубунун курамында коргоочу Англия Кубогун, Чемпиондор Лигасын, Европа Лигасын, УЕФАнын Супер Кубогун жана Клубдар арасындагы Дүйнө чемпиондугун жеңген.

Автор: Азат Бейшенбеков