УКМК тарабынан ири өлчөмдө баңгизат сатууга аракет кылган чет элдик жаран кармалды

УКМК тарабынан баңгизатты ири өлчөмдө сатууга аракет кылган чет элдик жаран кармалды. Мекеменин маалыматына таянсак, андан 2 килограмм 98 граммм гашиш заты алынган.

"УКМК Кылмыш-жаза кодексинин "баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо" менен козголгон кылмыш иши боюнча жүргүзүлгөн ыкчам-тергөө иш-чараларынын алкагында, ири өлчөмдөгү баңгизатын сатууга аракет кылып жаткан учурда Н.К.М. аттуу чет элдик жаран кармалды", - деп билдиришти атайын кызматтан.

Учурда кармалган адам УКМКнын тергөө камак жайынын убактылуу кармоочу жайына киргизилди.

Автор: Айжанар Рыспек кызы
Фото: УКМК