Кара-Кече көмүр кенинде атышуу болуп, бир адам каза тапты

Кара-Кече көмүр кенинде атышуу болуп, 38 жаштагы адам каза болду. Бул тууралуу Нарын облустук ички иштер башкармалыгынан кабарлашты.

Маалыматка караганда окуя кечээ, 1-декабрда болгон. Анда көмүргө келгендер кезек талашып, ошондон улам атыш чыккандыгы айтылууда. Облустук ички иштер башкармалыгынын кызматкерлери “соңку убактарда Кара-Кече көмүр кенинде абал туруктуу эмес. Бул жерге кылмыштуу топтордун өкүлдөрү келип турушат. Андыктан бул окуя деле криминалдык топтордун өз ара тирешүүсү болуусу мүмкүн” деген божомолду айтышууда. Кошумчалай кетсек, 20-ноябрда да аталган көмүр кенинде атышуу болуп, эки адам жабыр тарткан.

Автор: Темирбек Матаев