Кыз-келиндер күрөшү боюнча курама команда Азия чемпиондугунда 8 медаль жеңди (тизме)

24-25-июнь күндөрү Бишкек шаарында 23 жашка чейинкилер арасында Азия чемпиондугунун алкагында кыз-келиндер күрөшү боюнча беттештер өттү.

Кыз-келиндер күрөшү боюнча курама команда 8 медаль жеңип, командалык эсепте 2-орунду ээледи. 1-орунду Индия, ал эми 3-орунду Казакстан курама командасы алды.

Кыз-келиндер күрөшү боюнча курама команданын эсебинде 2 алтын, 3 күмүш жана 3 коло медаль бар:

1-орун — Айпери Медет кызы (76 клиограмм);

1-орун — Мээрим Жуманазарова (68 килограмм);

2-орун — Нурзат Нуртаева (72 килограмм);

2-орун — Дильназ Сазанова (60 килограмм);

2-орун — Бермет Нуридин кызы (62 килограмм);

3-орун — Арууке Кадырбек кызы (55 килограмм);

3-орун — Калмира Билимбекова (57 килограмм);

3-орун — Сезим Жуманазарова (59 килограмм).

Белгилей кетсек, 17 жана 23 жашка чейинки балбандар арасында күрөш боюнча Азия чемпиондугу 19-июнда старт алган. Бүгүн, 26-июнь эркин күрөш боюнча беттештердин 2-күнү өтөт.

Автор: Бактыгүл Момбекова
Фото: Маданият, маалымат, спорт жана жаштар саясаты министрлиги