Улакчы Эламан Нурболот уулу сүйүктүүсүнө баш кошту (сүрөт)

Суусамыр өрөөнүнөн чыккан мыкты жаш көк бөрүчүлөрдүн бири Эламан Нурболот уулу үйлөндү. Бул туурасында өзү менен байланышканыбызда белгилүү болду.

Анын айтымында, көк бөрүчү 4-июлда сүйүктүүсүнө баш кошкон. Бүгүн, 7-июлда Бишкекте түгөйлөрдүн үлпөт тою өтүүдө.

"Келинчегимдин аты Саламат. 2003-жылкы, Токтогулдан болот. Экөөбүз Инстаграм аркылуу таанышканбыз, бир жыл кыз-жигит болуп сүйлөштүк", - деп билдирди ал.

Белгилей кетсек, Эламан Нурболот уулу былтыркы сезонду Талас облусунун "Ынтымак" командасында жеңүүчү болуу менен аяктаган.

Автор: Айпери Бакталбек кызы
Фото: Эламан Нурболот уулу