Кыргызстанга жасалма күбөлүк менен унаасын өткөрүүгө аракет кылган Орус жараны кармалды

Бүгүн, 26-июлда чек арадан өлкөгө мыйзамсыз өткөрүлүп жаткан унаа кармалды. Бул тууралуу УКМКнын Чек ара кызматынан билдиришти.

Маалыматка ылайык, бүгүн, 26-июль күнү эртең менен “Ак-Жол-автожол” өткөрүү пунктуна Казакстандан Армения Республикасынын мамлекеттик номурлуу Тойота Альфард үлгүсүндөгү унаа келген. Унааны 1980-жылы туулган А.Б. Орус жараны башкарып келе жаткан.

Документтерди текшерүү учурунда унаанын катталгандыгы тууралуу күбөлүгү жасалма экени аныкталган. Айдоочу кармалып укук коргоо кызматкерлерине өткөрүлүп берилди.

Автор: Алина Айдарбекова