Кыргыз волейболчулары финалда күчтүү делген Сауд Арабияны жеңди

Ысык-Көл облусунун Чолпон-Ата шаарында волейбол боюнча эркектер арасындагы Азиянын чакырык Кубогу аяктады.

Кубокко Өзбекстан, Сауд Арабия, Кыргызстан жана Монголия курама командалары катышып жатат.

Финалдык оюнда Кыргызстан менен Сауд Арабия кез келип, Кыргызстан 3:2 эсебинде утуп алды. Муну менен Кыргыз курамасы Азиянын чакырык Кубогун жеңип алды.

Ал эми үчүнчү орун үчүн Өзбекстан жана Монголия курамалары кез келип, Өзбекстан 3:2 эсебинде жеңди.

23-27-июль күндөрү Бишкекте өткөн Борбор Азиянын чакырык Кубогунда Кыргыз курама командасы чемпион аталган.

Автор: Азат Бейшенбеков