Баткенде аскер кызматкеринин өзүн-өзү атып алуусу: Аскердик прокуратура экспертиза дайындады

Баткен гарнизонунун Аскердик прокуратурасы Коргоо министрлигинин “Илбирс” атайын бөлүгүнүн прапорщигин өзүн-өзү атып алуу фактысын текшерүүдө. Бул тууралуу SUPER.KG порталына Башкы прокуратурадан билдиришти.

Кабарлангандай, аталган окуядан кийин бир катар экспертизалар дайындалган.

Атайын кызматтан маалымдашкандай, учурда текшерүү жүрүп жатат. Соттук-медициналык, баллистикалык жана химиялык экспертизалар дайындалган.

Эске салсак, кечээ, 5-октябрь күнү Баткен облусунда "Илбирс" атайын бөлүгүнүн кызматкери өзүнө-өзү көкүрөгүнө ок чыгарган. Окуя болжол менен түнкү 00:30 чамасында болгон.

Автор: Максуда Кудайбердиева