Уюшкан кылмыштуу топтун мүчөлөрүнүн брондолгон унаалары мамлекеттин пайдасына алынды

Уюшкан кылмыштуу топтун мүчөлөрүнүн брондолгон автоунаалары мамлекеттин пайдасына алынды. Бул тууралуу УКМКнын басма сөз кызматы билдирди.

Белгилүү болгондой унаалар К.А. уюшкан кылмыштуу тобунун активдүү мүчөлөрүнө таандык болгон.

Жүргүзүлгөн ыкчам-иликтөө иш-чараларынын натыйжасында жалпы баасы 33 миллион сомдон ашык болгон 5 премиум класстагы брондолгон автоунаалар алынды.

Азыркы учурда уюшкан кылмыштуу топтун мүчөлөрү тарабынан кылмыштуу жол менен алынган акчалай жана материалдык каражаттарды легалдаштырууга, ошондой эле алардын мыйзамсыз иш-аракеттерин каржылоо булактарына катышкан адамдарды аныктоо боюнча ыкчам-издөө иш-чаралары жүргүзүлүүдө.

Автор: Максуда Кудайбердиева