Кыргызстандык мушкерлер Азат Усеналиев менен Эрмек Сакенов дүйнөлүк рейтингде 7-орунду ээлеп турушат

Өмүрбек Малабеков азырынча алдыңкы ондукка кире элек.

Эрмек Сакенов тизмеде 7-орунда.

2013-жылы Азия чемпиондугун уткан Азат Усеналиев өткөн айда чыгарылган рейтингдеги ордун сактап калды.

Солдон-оңго: Эрмек Сакенов, Азат Усеналиев жана Өмүрбек Малабеков.

Бокс боюнча Кыргызстан курама командасынын өкүлдөрү Азат Усеналиев жана Эрмек Сакенов бокс сүйүүчүлөрүнүн дүйнөлүк рейтингинде 7-орунду ээлеп турушат. Бул тууралуу бүгүн, 6-декабрда бокс сүйүүчүлөрүнүн Эл аралык федерациясы билдирди.

Маалыматка ылайык, 6-декабрда жаңыланган рейтингде кыргызстандык мушкерлер Азат Усеналиев (800 упай, 52 килограмм салмакта) менен Эрмек Сакенов (1000 упай, 64 килограмм салмакта) өз салмактарында 7-орунду ээлеп келишүүдө.

Жаңыланган рейтингде дагы бир кыргызстандык мушкер Өмүрбек Малабеков (56 килограмм салмакта) эсебиндеги 500 упай менен 13-орунду ээледи.

Эске салсак, бул 3 мушкер 2014-жылдын эсебинен Кыргызстандын чемпиондугуна катышышкан жок. Тизмеде аты аталгандардын үчөө тең Эл аралык даражадагы спорт чеберлери.

Автор: Максат Кудайбердиев