Чет өлкөлүк жаранды карактап, изин жашырып жүргөн жаран кармалды

Чет өлкөлүк жаранды карактоого шектелип издөөдө жүргөн 35 жаштагы жаран кармалды. Бул тууралуу ИИМдин басма сөз кызматы билдирди.

Маалыматка караганда, 2021-жылдын февраль айында Кызыл-Кыя шаарында Өзбекстандын 21 жаштагы тургунун 2-3 жаранды коркутуп, кол телефонун жана акчасын тартып алып, окуя болгон жерден из жашырып кеткен.

Бул факты ошол эле күнү каттоого алынып, сотко чейинки өндүрүш иши башталган.

Кызыл-Кыя шаарынын кылмыш иликтөө бөлүмүнүн ыкчам кызматкерлери тарабынан ушул жылдын 6-декабрь күнү издөөдө жүргөн шектүү кармалды. Учурда убактылуу кармоо жайына киргизилип, тергөө иштери уланууда.

Автор: Бурулсун Айдарбек кызы