"Акыры буюрган экен". Бекжан Темирхандын аманаты аткарылды (видео)

Сыймык Бейшекеев баштаган маданият өкүлдөрү Бекжан Темирханды эскерүү концертинен түшкөн каражатка анын ата-энесине Бишкектеги жаңы конуштардын биринен үй алып беришти.

"Жалпы элге жана башында туруп уюштурган Сыймыкка, Аселге (ред.: Сыймык Бейшекеев, Асел Турдалиева) ыраазычылык билдирем! Уулум менен мындан эки ай мурда келип ушул үйдү көрүп, Бекжан “унааны сатып алсакпы, ата?” деп кетти эле. Акыры буюрган экен", - деп эскерип өттү Бекжандын атасы Темирхан Акылбаев.

Эскерте кетсек, эстрада ырчысы Бекжан Темирхан ушул жылдын 10-ноябрь күнү кечинде Боом капчыгайында жол кырсыгынан каза болгон.

Жол кырсыгы Бишкек-Нарын-Торугарт жолунда түнкү саат 22:30да катталып, ырчынын унаасы жолдон, 100 метрлик ылдый кулап түшкөнү кабарланган болчу.

Толугу менен видеодон көрүңүз.