Кыргызстандан барган Өзгөчө кырдаалдар министрлигинин куткаруучулар тобу Түркиянын Кахраманмараш шаарына барышты. Маалымат ӨКМ тарабынан белгилүү болду.
Белгилүү болгондой, алар Түркиянын “AFAD” куткаруучулардын базасынан тиешелүү тапшырмаларды алып жатат.
Эске салсак, 6-февралда саат 04:17де Түркиянын түштүк-чыгышындагы жети аймагында күчү 7,4 баллга жеткен катуу жер титирөө болду. Ал Сириянын бир нече провинцияларында жана Ливанда да сезилген. Буга байланыштуу аталган өлкөнүн президенти Режеп Тайып Эрдоган жети күндүк улуттук аза күтүү жарыялаган.
Кыргызстан табият кырсыгынан жабыркагандарга көмөк көрсөтүү максатында ӨКМнын 63 куткаруучусун Түркияга жөнөткөн.