ФИФАнын “Алтын топ” байгесине талапкер негизги 3 футболчунун ысымы белгилүү болду

Юрген Клопп дортмунддук "Борусиянын" башкы машыктыруучусу.

"Бавария" быйыл жазда УЕФАнын Чемпиондор лигасында жеңишке жетишкенде, машыктыруучулук милдетти Юпп Хайнкес аркалап турган.

"МЮнун" мурунку машыктыруучусу Алекс Фергюсон 2013-жылдын эсебинен клубга Англия Премьер лигасындагы 20-чемпиондукту алып келди.

Франк Рибери карьерасында "Алтын топко" мынчалык жакындап көргөн эмес.

Аргентиналык Лионель Месси буга чейин 4 ирет ФИФАнын версиясы боюнча "Жылдын мыкты футболчусу" аныкталган.

"Алтын топ" байгесин 2008-жылы уткан португалиялык Криштиану Роналду.

Кечээ, 9-декабрь түнү ФИФАнын версиясы боюнча жылдын мыкты футболчусуна ыйгарылуучу “Алтын топ” байгесине негизги талапкер 3 футболчунун ысымы жарыяланды. Бул тууралуу ФИФАнын расмий сайты билдирет.

Маалыматка ылайык, ФИФАнын курамына кирген улуттук курама командалардын машыктыруучуларынын, капитандарынын жана ММКлардын өкүлдөрүнүн добушунун негизинде тизмеге “Барселонанын” чабуулчусу Лионель Месси, “Реалдын” чабуулчусу Криштиану Роналду жана “Бавариянын” жарым коргоочусу Франк Рибери кирди.

Андан тышкары ушундай эле добуштун негизинде “Жылдын мыкты башкы машыктыруучусу” наамына талапкерлер жарыяланды. Тизмеге англиялык “Манчестер Юнайтеддин” мурунку машыктыруучусу Алекс Фергюсон, мюнхендик “Бавариянын” мурунку машыктыруучусу Юпп Хайнкес жана дортмунддук “Боруссиянын” машыктыруучусу Юрген Клопп кирген.

Эске салсак, аталган сыйлык ээлерин ФИФА 2014-жылы 13-январда Цюрихте уюшулуучу салтанаттуу кечеде жарыялайт.

Автор: Максат Кудайбердиев