Тарыхтагы эң мыкты футболчу наамы үчүн Мессинин жалгыз атаандашы аталды

Англия курамасынын мурдагы оюнчусу Жо Коул Daily Mail гезитине берген маегинде аргентиналык футболчу Лионель Мессини тарыхтагы эң мыкты оюнчусу деп эсептей турганын билдирди.

Англиялык футболчунун айтымында Мессиге бразилиялык Пеле гана тең келе алат, ал эми Криштиану Роналду менен Диего Марадона Лионел Мессиге жетпейт.

"Тарыхтагы эң мыкты оюнчу ким экендиги тууралуу талаш-тартыштар ар дайым болот. Бирок Месси акыры талаш-тартыштарды токтотту, анткени ал баарын жеңди.

Буга чейин ал дүйнөлүк чемпионатта кыйынчылыктарга туш болуп, бул суроолорду жаратчу. Бирок ал андан өттү. Мен Мессидей футболчуну көргөн эмесмин. Мен аны бардык убактагы эң мыкты оюнчу деп эсептейм. Лео менен Пеле гана тең келе алат. Месси Роналду менен Марадонадан ашып түштү", - деген ал.

Эске салсак, Аргентинанын курама командасынын курамында Лионель Месси 2022-жылы дүйнө чемпиону болгон.

Автор: Азат Бейшенбеков