Өлкөдө мектеп директорлору 4 багытта окутуудан өтөт

Өлкөдө мектеп директорлору 4 багытта окутуудан өтөт. Бул тууралуу билим берүү жана илим министри Каныбек Иманалиев бүгүн, 22-мартта билим берүү маселелери боюнча коллегияда билдирди.

Министрдин айтымында, өлкөдө 2 миң 500 мектеп директору бар. Алар 4 багытта окутуудан өтөт.

- Азыркы замандагы мектеп директору кандай болушу керек?

- Мектеп директору ар кандай эл аралык коомчулуктан, каржылык институттардын грант алуу үчүн кантип долбоор жазуу керек?

- ЖРТда кантип жалпы деңгээлди көтөрүү керек?

- PISA-2025 эл аралык изилдөөсүндө Кыргызстандын беделин көрсөтүү үчүн даярдыктарды күчөтүү.

Белгилей кетсек, президент Садыр Жапаровдун 2022-жылдын август айында кол койгон жарлыгына ылайык, мектеп директорлорун тандоо тартибине өзгөртүүлөр киргизилген. Ага ылайык, мамлекеттик жана муниципалдык жалпы билим берүү уюмдарынын жетекчилери сынактын негизинде тандалат.

Автор: Айжанар Рыспек кызы
Фото: Билим берүү жана илим министрлиги