Өлкөдө жалпы республикалык тестирлөөгө каттоо уланууда

Өлкөдө жалпы республикалык тестирлөөгө каттоо уланууда. Бул тууралуу Билим берүү жана илим министрлигинин маалымат кызматынан билдиришти.

Маалымдалгандай, тестирлөө онлайн форматта жүрөт. Каттоо 7-апрелге чейин созулат.

"11-классты аяктап жаткандар өз мектептеринен эле катталат, өткөн жылдардын бүтүрүүчүлөрү – райондук же шаардык билим берүү бөлүмдөрүндө", - деп айтылат билдирүүдө.

Белгиленгендей, негизги жана ар бир предметтик тесттин баасы быйыл 100 сомго көтөрүлүп, 470 сомду түзөт.

Ал эми тестирлөөнүн өзү 19-майдан 24-майга чейин өтөт.

Автор: Максуда Кудайбердиева