Бишкектеги №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоого катыша турган талапкерлердин саны бешке жетти. Бул тууралуу бүгүн, 4-апрелде Борбордук шайлоо комиссиясынан билдирди.
Маалыматка ылайык, БШКга арыз менен төмөнкү талапкерлер кайрылды:
- Эркин Булекбаев;
- Максат Кунакунов;
- Марат Арзыкулов;
- Актилек Нурланбеков;
- Мирлан Камбаров.
Депутаттыкка талапкерлерди көрсөтүү 27-апрелде аяктайт.
Белгилей кетсек, №26 Ленин бир мандаттуу шайлоо округу боюнча Жогорку Кеңештин депутатын мөөнөтүнөн мурда шайлоо 28-майга дайындалган.