Лейлектин Сары-Дөбө айылында жаңы мектеп салынууда (фото)

Лейлектин Сары-Дөбө айылында мектеп салынууда. Бул тууралуу Өкүлчүлүктүн маалымат кызматынан билдиришти.

Маалымдалгандай, «Сары-Дөбө» атындагы орто мектебинин курулушуна капсула салуу аземине жергиликтүү бийлик өкүлдөрү жана элеттиктер катышты.

Жаңыдан курулушу башталган типтүү мектеп 150 окуучуга ыңгайлашып, эки кабаттуу болуп курулат. Мектептин курулушун жаңы окуу жылына карата бүткөрүп, 1-сентябрга пайдаланууга берүү пландалган.

Ал эми эски мектептин бир канча бөлмөсү өрт кырсыгынан улам жараксыз абалга келип, окуу кааналарынын жетишпестиги жаралган.

Автор: Максуда Кудайбердиева
Фото: Президенттин Баткен облусундагы өкүлчүлүгү