Бишкекте эки адамды топурак басып калып, бирөө каза болду

Бишкек шаарындагы Мурманск көчөсүндө канализацияга жол ачуу үчүн жер казып жаткан эки адамды топурак басып калды. Бул тууралуу өзгөчө кырдаалдар министрлигинин басма сөз кызматы билдирди.

8-апрель күнү Мурманск көчөсүндө канализацияга жол ачуу үчүн жер казып жаткан 2 жаранды топурак урап түшүп, басып калгандыгы тууралуу маалымат 112 номуруну кабарланган.

Жерине ыкчам түрдө 5 куткаруучу тартылган.

Топурак басып калган 31 жаштагы К. Б. ошол жерден каза болду. Анын сөөгү ИИМдин кызматкерлерине өткөрүлүп берилген. Ал эми куткаруучулар тирүү чыгарган 1997-жылы туулган А. Т. аттуу экинчи жаран "Тез жардам" кызматына өткөрүлүп берилди.

Автор: Азат Бейшенбеков