9:0. Жоламан Шаршенбеков экинчи ирет Азия чемпиону болду

Бүгүн, 10-апрелде коңшу Казакстандын Астана шаарында күрөш боюнча Азия чемпиондугунун экинчи күндүк беттештери уланууда.

Азия чемпиондугуна 60 килограмм салмакта катышкан Жоламан Шаршенбеков өз салмак категориясында финалга чейин жеткен.

Финалда кыргыз балбаны түштүк кореялык Хэнжи Чунг аттуу балбан менен кез келди. Жоламан Шаршенбеков түштүк кореялык балбанды беттештин биринчи бөлүгүндө эле эч кандай мүмкүнчүлүк бербей, 9:0 эсебинде мөөнөтүнөн мурда жеңди.

Жеңишинен кийин Жоламан Шаршенбеков жеке машыктыруучусу Хаким Махмудовду килемге чакырып, машыктыруучусу экөө Кыргызстандын желегин желбиретишти.

Муну менен Жоламан Шаршенбеков катары менен экинчи ирет Азия чемпиону болду.

Автор: Азат Бейшенбеков