Депутаттын демилгеси менен Ботаникалык бакка 300 даана көчөт отургузулду (фото)

Бүгүн, 14-апрелде “Альянс” фракциясынын демилгеси менен Бишкектеги Э.Гареев атындагы Ботаникалык бакка 300 даана ийне жалбырактуу көчөттөр отургузулду. Иш-чарага фракциянын мүчөлөрү жана шаар тургундары катышты.

"Депутат Эмил Жамгырчиев буга чейин “Жашыл мурас” өнөктүгүнүн алкагында Татарстандан Кыргызстанга 8 миңден ашуун көчөт алып келип, Токмок шаарына отургузган болчу.

Эми ал көчөттөр шаарды, аймактарды жашылдандырууга пайдаланылууда. Эл өкүлдөрү мындан ары дагы айлана-чөйрөгө кам көрүүгө байланышкан иш-чараларды өткөрүп турмакчы" дешти фракциядан.