Кечээ, 10-декабрда УЕФАнын Чемпиондор Лигасынын 6-тур оюндары болду

Португалиялык "Бенфика" өз үйүндө франциялык ПСЖны утту. Бирок, тайпадан чыга алган жок.

"Бавария"-"Манчестер Сити": Оюн коноктордун жеөиш голун кийирүүсү менен аяктаган.

"Виктория"-ЦСКА оюнунун чечүүчү мүнөттөрүнүн бири. Орусиялыктардын курамынан Алан Дзагоев кызыл айып кагазын алып, оюндан чыгарылды.

"Бавария"-"Манчестер Сити": оюн үй ээлеринин голу менен башталды.

Орусиялык ЦСКА конокто жеңилип, УЕФАнын Евролигасынын жолдомосунан куру калды.

"Галатасарай"-"Ювентус" беттеши 31-мүнөттө самарлап жааган кардан улам токтотулду.

"Реалдын" биринчи голунун автору хорватиялык Лука Модрич топ талашуудагы кезектеги аракетин көрүүдө.

"Байердин" конокто камсыздаган жеңиши аны УЕФАнын ЧЛсынын тайпалык баскычынан ийгиликтүү өтүүсүн камсыздады.

Кечээ, 10-декабрда УЕФАнын Чемпиондор Лигасынын тайпалык баскычынын 6-турунда “А”, “В”, “С” жана “D” тайпаларында оюндар болуп өттү. Бул тууралуу УЕФАнын расмий сайты билдирет.

Маалыматка ылайык, бул оюндар менен плей-оффтогу командалар белгилүү болду.

“В” тайпасында Түркияда өткөн “Галатасарай”-“Ювентус” беттеши жааган кардын токтобогонунан улам калыстар тарабынан токтотулду. Бул беттеш бүгүн, 11-декабрда Бишкек сааты боюнча 18:00дө кайра ойнолот.

“А” тайпасы

“Манчестер Юнайтед” (Англия) – “Шахтёр” (Украина) – 1:0

“Реал Сосьедад” (Испания) – "Байер” (Германия) – 0:1

“В” тайпасы

“Галатасарай” (Түркия) – “Ювентус” (Италия) (оюн аяктаган жок)

“Копенгаген” (Дания) – “Реал” (Испания) – 0:2

“С” тайпасы

"Бенфика" (Португалия) - ПСЖ (Франция) – 2:1

"Олимпиакос" (Греция) – "Андерлехт" (Бельгия) – 3:1

“D” тайпасы

“Виктория” (Чехия) – ЦСКА (Орусия) – 2:1

“Бавария” (Германия) – “Манчестер Сити” (Англия) – 2:3