Ак-Ордодо үйү түрттүрүлүп, төрт баласы менен көчөдө калган Марал Шараболотованын салынып жаткан жаңы үйү курулуп бүттү. Бул тууралуу президенттин жардамчысы Эрнис Ашырбаев билдирди.
Маалымдалгандай, үй “Ас-Сафа” кайрымдуулук фондунун жардамы менен курулган.
Эске салсак, март айынын башында Ак-Ордо конушунда төрт балалуу келиндин үйүн коңшусу соттун чечими менен түрттүрүп салган.
Көчөдө калдым деп ыйлаган аялдын видеосу социалдык тармактарга тарап, коомчулуктун көңүлүн бурган. 5-мартта президент Садыр Жапаров аталган конушка пландан тышкары барып, үйү бузулган аял жана конуштун жашоочулары менен жолугушкан.