"Ак шумкарлардын" жаңы машыктыруучусу футболчуларга кароо жүргүзө баштады

Футбол боюнча Кыргыз улуттук курама командасынын башкы машыктыруучусу Штефан Таркович кыргыз футболчуларына кароо жүргүзө баштады.

Штефан Таркович бир күн мурун, 2-майда Кыргызстандын Премьер-Лигасынын алкагындагы "Илбирс" менен "Алга" клубдарынын беттешине барган. Алдыдагы планда курама командага талапкерлерди тандоо боюнча калган командаларды дагы кароо турат.

Эске салсак, кийинки окуу-машыгуу июнь айындагы ФИФАнын даталарында жана биринчи Борбордук Азия CAFA чемпионатына даярдык катары өткөрүлөт.

Автор: Азат Бейшенбеков