Быйыл Төө-Ашуудагы тоннель оңдоп-түзөөдөн өтөт

Бишкек-Ош унаа жолундагы Кусейин Көлбаев атындагы тоннель быйыл оңдоп-түзөөдөн өтөт. Бул туурасында Транспорт жана коммуникациялар министри Тилек Текебаев Фейсбуктагы баракчасына жазып чыкты.

Анын айтымына караганда, тоннелдин ичине жаңы асфальт төшөлүп, жарыктары алмаштырылат.

"Төө-Ашуудагы тоннель быйыл жасалат. Ушул маселе боюнча абдан көп суроолор болуп жатат. Эми билесиздер, Төө-Ашууда аба ырайы суугураак. Күндүн жылышы менен тоннелдин ичине жаңы асфальт төшөлүп, жарыктары алмаштырылып жана башка оңдоп-түзөө иштери болот" деп жазды министр.

Ошондой эле жумушту жасоодо сапатка көңүл буруу зарыл экенин баса белгилеген.

Автор: Айжанар Рыспек кызы
Фото: Айжанар Рыспек кызы