Боомдо дагы эки жерден өрт чыкты

Ысык-Көлдүн Тоң районуна караштуу Бишкек– Нарын – Торугарт 157-чакырымындагы өрт чыгып, өрттү өчүрүүгө жалпысынан Балыкчы шаарынан 1 күжүрмөн эсеп, 14 куткаруучу, Токой чарбасынан 20 кызматкер тартылып, саат 18:22де толугу менен өчүрүлдү. Бул тууралуу ӨКМ кабарлады.

Ошондой эле токой чарба кызматынан 8 токойчу өрт коопсуздугун сактоого жана көзөмөлгө алууга түнкү нөөмөткө калышкан.

Буга карабай аталган жолдун Көк-Мойнок-2 айылында куураган чөптөн өрт чыккандыгы тууралуу маалымат түшүп, өрттү өчүрүүгө саат 20:15те Балыкчы шаарынан 1 күжүрмөн эсеп тартылган.

Бул өрт кырсыгы саат 21:13тө чектөөгө алынып, 22:01де толук өчүрүлдү.

Автор: Азат Бейшенбеков