Саздак жерлерде сууга түшүүгө болбойт. ӨКМнын эскертүүсү

Өзгөчө кырдаалдар министрлиги сууга түшүүдөгү коопсуздук эрежелери тууралуу эскертет. Ага ылайык:

Сууга түшүүгө ылайыкташтырылбаган жана массалык эс алууга арналбаган жайлардагы суу обьектилеринде сууга түшүүгө болбойт. Алар: көлмөлөр, жасалма көлмөлөр, каналдар, дарыялар;

Спирт ичимдиктерин ичүүгө жана сууга мас абалында түшүүгө болбойт;

Сууга чумкуганга, секиргенге тыюу салынат деген жазуулары бар суу обьектилеринде сууга түшүүгө тыюу салынат;

Бассейин, дарыя, канал, көлмөлөрдүн жанында балдардын кароосуз калтырбоо зарыл;

Саздак, баткак жана балырлуу жерлерде сууга түшүүгө болбойт;

Скутерлерге, парустуу, моторлуу кайыктарга жана башка ушул сыяктуу сүзүүчү каражаттарга сүзүп барганга тыюу салынат.

Автор: Айжанар Рыспек кызы
Фото: Интернеттен алынды