Франк Рибери Францияда “Жылдын мыкты футболчусу” болуп табылды

Футбол боюнча Франция курама командасынын жана мюнхендик “Бавариянын” жарым коргоочусу Франк Рибери Францияда “2013-жылдын мыкты футболчусу” аталды. Бул тууралуу европалык басылмалар билдиришет.

Маалыматка ылайык, Рибери ушуну менен 3-ирет Францияда жылдын мыктысы болуп отурат. Бул жаатта рекорд белгилүү футболчу Тьери Анриге таандык (ал бул наамды 5 ирет уткан).

Ал эми “Жылдын мыкты башкы машыктыруучусу” наамы Руди Гарсияга тапшырылды. Гарсия учурда италиялык “Рома” менен ийгиликтүү сезонду баштан кечирүүдө.

Автор: Максат Кудайбердиев