Алматыда Самат Кыргыз катышкан Hardcorе турниринде көрүүчүнүн мурду сынды

Коңшу Казакстандын Алматы шаарында өткөн "Hardcore Fighting Championsip" турниринде көрүүчүнүн мурду сынды.

Окуя турнир ортолоп калган маалда болду. Анда "Hardcore" уюмунун жылдыз мушкерлери, анын ичинде кыргызстандык Самат Абдырахманов (Самат Кыргыз) октагонго чыгышты. Алып баруучу алардан көрүүчүлөр отурган отургучтардын номурларын атоону суранышты. Анан номуру чыккан эки күйөрманды октагондо мушташууга чакырышты.

Күйөрмандардын беттеши тез эле аяктады, анткени көрүүчүлөрдүн бири бокс боюнча спорт чебери болуп чыкты. Ал атаандашынын бир-эки сокку узатканда эле беттеш жыйынтыкталып, күйөрмандын мурду сынган.

Мындан улам көптөгөн интернет колдонуучулары буга нааразычылыгын билдирүүдө.

Автор: Азат Бейшенбеков