"Унаалардын өтүшүнө жолтоо болууда". Милиция жолдогу кайырчыларга рейд жүргүзүүдө

Бишкек ШИИББинин кызматкерлери тарабынан калаанын негизги көчөлөрүндө кайырчыларга каршы рейд жүргүзүлдү. Бул тууралуу бүгүн, 23-майда Милициянын кайгуул кызматынан билдирди.

Маалыматка ылайык, жолдогу кайырчылар унаалардын өтүшүнө жолтоо болуп, өздөрүнө жана айдоочуларга авариялык абалды жаратууда.

“Бишкек шаардык ички иштер башкармалыгынын кызматкерлери жол боюндагы кайырчыларды аймактык милиция бөлүмүнө жеткирет. Аларга түшүндүрүү иштери жүргүзүлүп, үй-жайы бар кайырчылар коё берилет. Ал эми үй-жайы жоктор коломтолорго жайгаштырылат”, - деп айтылат билдирүүдө.

Автор: Гүлкайыр Бабаева