Аксы районунда электр тармактарынын бөлүмдөрү ачылды (фото)

Жалал-Абад облусундагы Аксы райондук электр тармактар ишканасында Ринжит жана Кызыл-Туу бөлүмдөрү ачылып, пайдаланууга берилди. Бул тууралуу Жалал-Абад электр тармактар ишканасынын басма сөз кызматы маалымдады..

Маалыматка ылайык, аталган электр тармактарынын бөлүмдөрүнүн курулуш иштери былтыр күзүндө башталган. Тендерди “Жалал-Абад айыл энерго” ишканасы утуп, анын ар бири 1 миллион 900 миң сомго бааланган.

"Аксы району боюнча жалпы 20 миң 829 абонент бар. Анын 18 миң 670и үй-тиричилигине керектөөчүлөр. Ал эми Ринжит аймагында 2 миң 528, Кызыл-Туу боюнча 4 миңге жакын абонент бар", - деп жазылат маалыматта.

Автор: Айпери Бакталбек кызы