БШК: "Саат 12:00гө карата шайлоого катышуу 4,31 пайызды түздү"

№26 Ленин округунда мөөнөтүнөн мурда өтүп жаткан шайлоого саат 12:00гө карата шайлоочулардын катышуусу 4,31%ды түздү. Бул тууралуу Борбордук шайлоо комиссиясы маалымдайт.

Маалыматта айтылгандай, саат 12:00гө карата аталган округда 5389 шайлоочу өз тандоосун жасады. Бул шайлоочулардын жалпы санынан 4,31%ды түзөт.

Шайлоо участоктордун дарегин төмөнкүдөй билүүгө болот:

— 1255 же 119 телефондору аркылуу;

— 119 номерине PIN — паспорттогу жеке идентификациялык номерди көрсөтүү менен SMS жөнөтүү менен, (акысыз);

Белгилей кетсек, Бишкектеги №26 Ленин бир мандаттуу шайлоо округунан Жогорку Кеңештин депутатын мөөнөтүнөн мурда шайлоого 29 талапкер ат салышууда. Район боюнча добуш берүү үчүн 51 шайлоо тилкеси уюштурулган.

Автор: Максуда Кудайбердиева
Фото: Айпери Бакталбек кызы