"Кыргызавтожол" ишканасына жаңы директор дайындалды

Транспорт жана коммуникациялар министрлигинин алдындагы “Кыргызавтожол” мамлекеттик ишканасынын директору болуп Жумаш Содомбаев дайындалды. Бул тууралуу аталган ишканадан билдиришти.

Белгиленгендей, ал министрлер кабинетинин төрагасы Акылбек Жапаровдун 14-июндагы тескемесине ылайык дайындалды.

Содомбаев буга чейин аталган "Кыргызавтожол" ишканасында директордун биринчи орун басары, ага чейин Транспорт министрлигинин "Жол чарба" департаментинин директору, ошондой эле директордун орун басары болуп эмгектенген.

Автор: Максуда Кудайбердиева