Оштогу "Боорукердик" үйүнөн өрт чыкты

Оштун Кара-Суу районундагы Дыйкан-Кыштак айылынын Фергана көчөсүндө өрт чыкты. Бул тууралуу бүгүн, 3-июлда Өзгөчө кырдаалдар министрлигинен билдиришти.

Маалыматка караганда, кечээ, 2-июль күнү саат 19:36да аталган аймакта өрт чыккандагы тууралуу маалымат түшкөн.

Өрттү өчүрүүгө №12 өрткө каршы куткаруу бөлүгүнөн 2 күжүрмөн эсеп тартылып, саат 19:50дө чектөөгө алынган. Ал эми саат 21:11де толук өчүрүлгөн.

"Өрттүн кесепетинен жалпы аянты 399 чарчы метр болгон Ош шаардык "Боорукердик үйүнүн" 198 чарчы метр аянтындагы 3 шкаф, 4 матрац, пианино, телевизор жана 10 даана отургуч күйгөн", - деп жазылат маалыматта.

Учурда өрттүн келип чыгуу себеби такталууда.