Армрестлинг боюнча Бишкектин биринчилиги өтөт

15-декабрда Гапар Айтиев атындагы көркөм сүрөт музейинде армрестлинг боюнча Бишкек шаарынын биринчилиги өтөт. Бул тууралуу аталган спорт түрү боюнча федерациядан билдиришти.

Маалыматка ылайык, кол күрөш уландар арасындагы 5 салмак категориясында (65 килограмм салмакта, 75 кг, 85 кг, 95 кг, 95 килограммдан жогорку салмакта), кыз-келиндер арасында 2 салмак категориясында (60 килограмм салмакта жана андан жогорку салмакта) өтөт. Ал эми спорт чеберлери 80 килограммда жана андан жогорку салмак категориясында күч сынашышат.

Мелдеш 15-декабрда саат 11:30дө өтөт.

Автор: Максат Кудайбердиев